 |
| Lapoblacion |
Lapoblación, Nafarroa Garaiko
mendebaldeko udalerri bat da, Lizarrako merindadeko mendebaldeko muturrean
kokatua. Bi herrik osatua dago, Meanok eta Lapoblacionek.
Historia
Lapoblación igarobide natural baten
ondoan dago, Bernedoko mendatearen ondoan (La Horca eta Aldea izenez ere
ezaguna). Mendatea, Gazteluko Haitza eta Lapoblaciongo Haitzaren ("Lehoi
Loti" izenez ere deitua) artetik igarotzen da. Mendate hau ezinbestekoa zen,
Kantabriako mendilerroa igaro, eta Arabar Errioxa eta Mendialdeko Araba
elkartzeko. Historiaurreko hainbat aztarna arkeologiko aurkitu dira udalerrian,
batez ere, silex eta keramika arrastoak. Arrasto horiek frogatutakoaren
arabera, Lapoblaciongo lehenbiziko biztanleak Burdin Arokoak izan ziren.
Herriak Erromatar Inperio garaian ere garrantzia izan zuen.
 |
| Lapoblacion mendia |
Herriari buruzko lehen dokumentu
idatzia XII. mendekoa da. 1105 eta 1109 urteetako dokumentu batean Ponicastroko
San Andres Apostoluaren monasterioa aipatzen da, Punicastroko Gazteluari
loturik. Historialari batzuen ustez, gaztelu hori Lapoblacionen zegoen,
Gazteluaren Haitzaren tontorrean. Dena den, beste historialari batzuen iritziz,
Ponicastroko gaztelua Torralba del Rion ere egon zitekeen.
Hamarkada batzuk geroago, Marañongo
hiribilduaren foruetan aipatzen da Lapoblacion, herri horren udalerri mugakide
izanik. XII. mendeko dokumentua den arren, ez da ezagutzen zein izan zen
idazteko data zehatza, litekeena da 1121 eta 1134 urteen artean idatzi izana. Marañongo
foruak Alfontso Borrokalariak erregeak eman zituen.
Ondasun nabarmenak
Andre Maria Jasokundearen eliza
Lapoblación hirigunean, estilo
protogotikoko Igokundeko Andre Mariaren parrokia dago. Habeartea XIII. mendekoa
da, burualde pentagonala du eta horma-hobiko kaperak bi aldeetan. Oinaldean
dagoen korua XVII. mendekoa da. Bere barnealdea 1560ko erretaula bat da, bere
eskulturaren kalitateagatik Nafarroako Errenazimentuko lehenaren adibiderik
onenen artean dagoena. Lan honen autoria Errioxan bizi den Bruselako Arnao
maisuaren tailerraren inguruan kokatzen da.
 |
| Andre Maria Jasokundearen eliza |
Erromesen Ospitale zaharra
Gainera, Donejakue Bidearen bigarren
mailako adar bat igarotzen zen herritik. Erromesen Ospitale zaharra
kontserbatzen da, XV. mendekoak diren atetzarrekin. Era berean, Erdi Aroko
hozkailu baten eta galtzada erromatar baten aztarnak aurki ditzakegu.
 |
| Erromesen Ospitale zaharra |
Andre Mariaren eliza
Meanon dagoen eliza, harlanduzko eraikina da, gotikoa, XVI.
mendean gotiko berantiarreko kanonak jarraituz eraldatua. Barruan, bisita
merezi du XVI. mende bukaerako erretaula nagusiak, erromanistak.
 |
| Meanoko Andre Maria eliza |
Informazio iturriak:
http://www.lapoblacion.es/visitanos/
https://eu.wikipedia.org/wiki/Lapoblaci%C3%B3n
iruzkinik ez:
Argitaratu iruzkina