Atharratze-Sorholüze Zuberoako udalerri
nagusietako bat da, Maule, Sohüta, Barkoxe eta Bildoze-Onizpea udalerriekin
batera. Halaber, Basabürüko hiriburua
da. Probintziako beste udalerriek bezala, galera demografiko handia izan du
azken hamarkadetan. Benito Lertxundi kantariak
ezagunago egin zuen herria "Atharratzeko Jauregia" abestiagatik.
 |
| Atharratze |
1790, Atharratzeko Kantonamendua 10 herrik osatua izan zen: Hauze, Ligi-Atherei, Larraine, Liginaga-Astüe, Montori, Santa Grazi, Zalgise, Sroholüze, Atharratze eta Iruri.
 |
| Atharratze |
1859ko apirilaren 17an,
Atharratze eta Sorholüze herriak batu eta Atharratze-Sorholüze udalerria sortu
zuten, Onizegaine antzinako
herriaren zati batekin batera (beste zatiak Aloze-Ziboze-Onizegaine sortu zuen). Segidan eliza berria eraikitzeari ekin eta 1866an bukatu
zuten. Antzinako eliza1883an bota zuten.
 |
| Atharratze |
 |
| Atharratze |
Udalerriko ekonomia laborantzan dago oinarritua (abelazkuntza, belardiak).
Ondasun nabarmenak hauek dira:
 |
| Santa Luzia eliza |
San Luzia
eliza. Atharratzeko elizaren eraikuntza XIX. mendearen
bukaeran izan zen, 1863 eta 1866 artean. Arkitektoa Charles Besoin da.
Ipar-ekialdera begira dagoen eliza oinplano luzanga eta burualde erdizirkularra
ditu. Aurrealdea arkupe-kanpandorre batez osatuta dago. Nabea hiru ontzik
osatzen dute. Habearte nagusia sehaskan gangatuta dago, margotuta. Alboetan,
sabai laua duten zurezko bi harmaila daude. Korua ojiba itxurakoa da,
berdin-berdin margotua.
 |
| Atharratze |
Herriko plaza eta etxeak nabarmendu behar dira, horien artean Agosti Xahorena eta Herriko Etxe ohia
 |
| Herriko Etxe zaharra |
 |
| Agosti Xaoren jaiotetxea |
Maidalenako baseliza. Antzina Marie Maddalene d 'Aranhe bezala ezagutua
izan zen (1470). Eraikina XV. mendekoa da erromatar aurreko tenplu pagano zahar
baten gainean altxatuta, XIX. mendean aldatu eta 1961ean zaharberritu zena.
Maidalena erromesak hartzeko lekua zen, Muskildiko San Antoni bezala. Joxe Migel Barandiaranek kontatzen
zuenez, ermitan erromatar aldare bat kontserbatzen zen, Herascorrtsehe izeneko jainkoari eskainitako aldera bat omen zena: Fano
Herauscorrtsehe sacrum. G(aius) Valerius Valerianus (Gayo Valerio
Valerianok kontsakratu du Herauscorrtsehe orakulua). Beraz, ematen du aspaldian
mendiaren tontorrean jainkosa honen tenplua zegoela eta mendiak jainkosaren
izena hartu zuela. Gero, jentilen tenpluaren ordez Maidalena baseliza jarri zen
eta berarekin batera mendiaren izena aldatu.
 |
| Maidalena |
 |
| Maidalena |
Informazio iturriak:
https://eu.wikipedia.org/wiki/Atharratze-Sorholüze
iruzkinik ez:
Argitaratu iruzkina