Eskiula

 

Eskiula Bearnoko udalerri euskalduna da, nahiz eta hainbatetan Zuberoako udalerrien barruan sailkatzen den, batik bat bertan euskaraz mintzatzen delako. Zuberoako lurraldetzat hartzen denean, Basabürüako eskualdean kokatzen da.

Eskiula

Udalerria sorrera erlatiboki berrikoa da, XV. mende erdialdekoa, hain zuzen ere. Herria Bearnoko lurretan sortu zen, baina biztanleak euskaldunak ziren Eskiulan, horren ondorioz, euskara izan da nagusi. Erregimen Zaharrean zehar, horrela, Eskiula Oloroeko administrazioaren parte izan zen; eta 1790eko berrantolaketa arte Aramitzeko kantonamendukoa zen.

Eskiula

1796ko urtarrilaren 23an biztanleek Barkoxeko euskal kantonamenduarekin bat egiteko eskatu zuten, erreferendum bidez, baina eskaerari ez zitzaion jaramonik egin. Hori dela eta, 1816 inguruan Eskiula Oloroe-Donamariako kantonamenduan sartu zen. Hori dela eta, Eskiula euskal kulturadun baina Bearnoko lurretako udalerria bilakatu zen.

Eskiulako Herriko Etxea

Sorkunde Garbiaren eliza

Sorkunde Garbiaren eliza

Tximistak jota 1859an, eliza zaharra ez zen nahikoa, eta 1873an zaharkitua geratu zen: otsailean, Gustave Lévyk, departamentuko arkitektoak, eliza berri bat eraikitzeko proiektua. 1874tik 1879ra, nabearen eta santutegiaren eraikuntza. Kanpandorrea, 1879an proiektatua, 1882tik 1885era eraikia da, segur aski zuzendaritzapean, eta agian Félix Claracq arkitektoaren planoen gainean. Ate nagusiko tinpanoak 1885eko data du, eliza sagaratu zenekoa. 1894. urtea baino lehen horma eta ganga guztien dekorazio margotua egin zen, zalantzarik gabe Xavier Montaut abadearen oloroniar tailerraren bidez.

Sorkunde Garbiaren eliza

Sorkunde Garbiaren eliza

 

Informazio iturriak:

https://eu.wikipedia.org/wiki/Eskiula