Azkenaldian bidaiatzea eta munduko
hiri, herri eta paraje desberdinak ezagutzeko grina hedatu da gure artean. Turismoa
kontsumo-produktua bihurtu da, zalantzarik gabe. Horrek, ekonomian, gizartean
eta ingurumenean duen eraginaz nire iritzia izan arren, ez dut blog honetan
plazaratuko, hori ez baita blog honen helburua.
Urrutiko lurralde, herri eta hirietako
ondare naturala eta historikoa ezagutu gura dugu, bakarrik, lagun, lankide edo
familiakoekin esperientzia horiek partekatuz. Bidaiatu aitzin, leku horien
guztien historia eta geografia landuko ditugu, bizi nahi dugun esperientzia
ahalik eta aberatsena izan dadin. Eta gero, bidaia “zoragarria” amaitu ostean,
gure ingurukoei bizi izandakoak kontatuko dizkiegu haien interesa piztu nahian.
Edo gaur egun egiten den lez, bidaia-trofeoak sare sozialen bidez partekatuz.
Urrutikoa dugu helburu, baina gertukoa
ezagutzen al dugu?
Nire aburuz, bidaia zale aunitz edo
gehienek, interes gehiago dute kanpokoaz, geureaz baino. Gure historia eta
kultura arrotz egiten zaizkie askori, ez dute kanpokoarekin erakusten duten
interes bera agertzen, ezta gutxiago ere. Bidaia-kontsumitzaile horiek apenas
bisitatu dituzte gure herri eta hiriak, ezezagunak egiten zaizkie horien kale
eta inguruko parajetan izkiriatu diren gure historiaren pasarteak, gure
bizitzan eta kulturan eragina handia izan duten gertaerak.
Ba, horixe da blog honen helburua,
etxekoa arrotza gerta ez daigun euskal herriak ezagutzera ematea.
Bidaia on!
iruzkinik ez:
Argitaratu iruzkina