Ospitalepea
(zubereraz Ospitaleta), Zuberoako ipar-ekialdeko udalerri bat da, Pettarra
eskualdean kokatua, Bearnoarekiko mugan. Erdi Aroan, bazen han bidaiarientzako
ostatu bat, ugari baitziren Donejakue bidea egiten zuten erromesak. Garai hartan
ostatuei ospitale deitzen zitzaien, eta hortik datorkio herriari izena.
 |
| Ospitalepeako eliza erromanikoa |
Garesa
heldu aurretik lau dira beilariek nagusiki erabili ohi dituzten bideak
Europatik Santiagora iristeko: Via Turonensis (Tours), Via Lemovicensis
(Vèzelay), Via Podiensis (Le Puy) eta Via Tolosane (Arles). Lehenengo hiruak
Izuran elkartzen dira eta laugarrena, berriz, Somporteko mendatea gainditu eta
Jacatik barrena abiatzen da. Hala ere, Arlesko bidean harrera-aterpetxe
garrantzitsuena izan zen Ospitalepea aldera beste bide bat zabaldu zen Erdi
Aroan, Oloroen desbideratu, Ospitalepeatik igaro eta Maulera iristen zena.
Handik, Urdiñarbera eta Donaixtitik pasatuz beste hiru bide nagusiekin bat
egiten zuen Izuratik gertu.
 |
| Ospitalepeako eliza erromanikoa |
Unescok
Munduko Ondare izendatu duen Ospitalepeko
eliza Erdi Aroko ospitale fundaziotik zutik dagoen bakarra da. XII. mendeko
eliza erromanikoa oso bitxia da eta dekorazioan eragin hispaniar-mozarabea
nabarmen daiteke. Ganaduaren babeslea den Saint Blaise-ri eskainia da eta gaur
egun ere, inguruko nekazariek eta abeltzainek erromesaldia egin ohi dute
otsailaren 3aren ondorengo igandean.
 |
| Ospitalepeako eliza erromanoikoaren portikoa |
 |
| Ospitalepeako San Blasen irudia |
Eliza
txikia da baina oso aberatsa eta bertan dagoen argi eta soinu sistema batek
leku horren esanahia ulertzen laguntzen du. Hainbat hizkuntzatan ematen da,
baita euskaraz ere, zubereraz hain zuzen. Ordutegia: egunero 10:00-19:00.
 |
| Ospitalepeako eliza barrutik |
Eliza
erromanikotik oso gertu, errekaren ondoan errota bat ikusiko dugu.
 |
Errota
|
 |
| Errota |
iruzkinik ez:
Argitaratu iruzkina